عايز حقي

قصة بسيطة هاحكيها بخبرتي السياسية العميقة ... أنا بقالي 4 شهور بحالهم مهتم بالسياسة عشان كده عميقة

يا عم ما ممكن نضغط على شفيق عشان يعمل اللي احنا عايزينه

لأ ده ابن تيييت

ليه كده الراجل شكله محترم

ماهيه مش بالشكل

طب يعني نقعد ندور على حد تاني ... خلينا نخلص

,,,

أهو طلع ابن تيييت فعلا ومهرب فلوس المسئولين وسعيد حسين سالم وغالي يهربوا

النائب العام نفس القصة ... أنا معرفش عنه كتير بخبرتي السياسية العميقة ... لكن اللي بسمعه إنه تغاضي عن بلاوي وحفظ تحقيقات في السنين اللي فاتت بأوامر من القيادة السياسية ... إزاي بقي هايحاكم الناس اللي كانت بتديله أوامر ... مش عارف

اتضح لي ان التدوين من أسباب قيام الثورة .. لقد قامت القوي السياسية الشابة في عالم المدونات ... من قبل ان تعرف الحكومة معني الكلمة ... كانت وما تزال المدونة هي البوق الاعلامي الحر لكل صاحب رأي ولا يجد مجال لإذاعة هذا الرأي على احد

في كثير من الأحوال لا يقراء المدونات إلا قليل ... ولكن هناك نجوم المدونات ... إذا كنت تقرا دي يبقى تعرفهم

ماكان في يوم 23 مايو من كسر التعتيم الاعلامي وتبيض الخط الأحمر على المجلس العسكري كان له اثر كبير في رجوعي للتدوين ... وجدت مدوناتي كما هي إلا عنوان مدونتي بالإنجليزية تحاول إلى http://ahmedelsharawy.blogspot.com/ ماشي ... مفيش مانع

انوي التدوين على المحكمات العسكرية يوم 1 يونية مع شباب التغريد ... وتبدأ رحلة الكفاح المكتوب ... والله الموفق

و دستور هنا (بضم الدال) وليست بالفتح, نده عليا واحد من أخر الصف و قاللي ياعني انت عايز تقول ايه؟

كلام كتير و رغي عن الدستور و لازم نعدل الدستور ولازم نغير الدستور و انا مش فاهم حاجه. طب يا عم أسأل مين , أللك اسأل الشعب السياسي في عالم البلوجاتز

هم ليه عايزين يغيروا الدستور؟

نبتدي منين الحكايه , بس قولها من البدايه (عبد الحليم)ء

طب يعني أيه؟ أقولك يعني ايه

دلوأتي أنت لما كنت صغير و كنت بتعمل حاجه غلط, مش كان بيحصل حاجه زي كده...ء

بابا: أنا عايز أعرف ايه اللي خلاك تروح تجيب العيش من فرن عم اسماعيل و أنا أيلك هات من عند عم توفيق؟
أنت: أصل يا بابا...ء
بابا : هو انت لسه هاتقولي أصل, أنا عايز أعرف. أوللي
أنت : عاشان أنا كنت...ء
بابا : كنت ايه فاهمني , انا لما أقول حاجه تتسمع. فاهم ولا لأ؟
أنت (مضطر) : فاهم يا بابا

و أنت ولا فاهم ولا حاجه, و مش عارف هو كان بيزعق ليه ولا ايه المشكله مع العلم ان عم ابراهيم و عم توفيق عندهم نفس العيش بس عم ابراهيم جنب البيت و بابا متخانق معاه عاشان حطلوا رغيف مش قد كده و مش بيخلليه ينأي بس عم توفيق بعيد و ماينفعش انت تروح ماشي و بابا حرمك من العجله علشان اتأخرت مره و أنت بتجيبله السجاير

عايز أرجع طفل, المره دي هأفش لحد ما أخليه يسمعني و يرد عليا براحه

مش من حقي كاطفل برضه اني أفهم هو ليه بيزعق؟

لما نما الي علمي أن الاتجاه العام للشباب المصري المدون و القادر تماما علي أن يدون بلغات كثيره قد قرر التدوين باللغه العربيه أولت في عقل بالي, و مالو مل يمكن عندهم حق. اللغه العربيه دي جامده برضه

أقول لكم الحق, أن بكتب عربي بطيئ شويه فا التدوينه الواحده بتاخد وقت كتير, من الأخر كنت مكسل

خرجت جنب أصحابي و حبايبي المدونين من قوقعه الانجليزيه (لسه بدون بالانجليزي) عشان أكتب اللي يأدرني عليه ربنا

و الله ولي التوفيق